غيبت كتير.. بس والله غصب عنى.. المحاضرات نازلة عليا زى المطر.. ومش عارفة ادخل نت خالصده أول بوست اكتبه من اسيوط
............................................................................
اول ما وصلت اسيوط قلت يا بت الدراسة هتبدأ وتتجمعى بأصحابك تانى.. وهبطل اكتئاب بقى
لكن ع مين؟؟ ورايا ورايا لأخر الدنيا
قلت اروح الكلية قبل الدراسة بيوم اشوف الجداول وارتب نفسى.. ما انا بقيت ف تالتة خلاص يعنى هبطل لعب وتنطيط السنة اللى فاتت
بصيت ع سكشنى.. قال ايه؟؟ نقلونى لسكشن الاولاد
بعيد عنكم لقيت موسيقى براف هارد بترن ف ودانى ومش شايفة قدامى
يا فرحة ما تمت
سندت نفسى ع اقرب حيطة وشريط ذكرياتى المؤلمة مع السكشن ده سنه اولى بيمر قدامى
افتكرت ف الاول ان نظرى ضعيف ..بصيت مرة واتنين وتلاتة
لكن مفيش فايده نظرى طلع 6 ع 6 للأسف؟؟؟
رحت يمين رحت شمال معرفتش اعمل حاجة
واستسلمت لحقيقة انى لازم هقضى السنة دى معاهم
ما علينا.. حضرت اول سكشن وطول الوقت بفكر انا عملت ايه ف حباتى غلط عشان ارجع السكشن ده تانى
ملقيتش حاجة تستاهل العقوبة دى؟؟؟؟ وقلت ف نفسى اصبرى ع البلاء يمكن يجى الفرج
روحت السكن وقررت انى ما دام انا مفروسة من الكلية كده يبقى مش لازم اكتم ف نفسى وإلا هيجرى لى حاجة
فقررت اكتب لكم.. يمكن تهونى عليا شوية
RSS Feed (xml)
10 comments:
طيب ليه التخبيط ....مالهم اولاد ياستي؟؟...مش عاجبينك ليه؟؟..دا حتى كل الولاد كويسين وأمامير ..وأنا أولهم
:)
وحتى لو مش كده ...بيبقوا غلابة على الآخر...أهلاً بك في جامعة أسيوط
أصبري ...بكرة تتعودي
ملحوظة:أنا بتكلم وأنا لسه مخلص مشكلة... تلات ساعات كلام...بسبب بنية منكم..ورغم كده نفسي أتنقل سكشن كله بنات
:)
معاكى حق يا ميرو صعب على الواد أنه يكون محاط بمجموعة من ذوات الحناجرالفلاذية و الحركات الإستعراضية
أنا نفسى بضايق من الولاد لما بحط نفسى مكانك
مع الإعتذار للولاد؛ أنا كان لازم أقولها كده.
:)
هو ايه صحيح مشروع دكتور اللى أنت حاطاله لينك
هههههههه انتى متخيلة انك هتلاقى نفسك وتتخلصى من الكابة والملل فى الدراسة طبعا لأ لأ لأ ما أحلى الاجازة والراحة النفسية وكفاية النوم وانتى مطمنه واهلك حواليكى وجنبك يعنى الكل للكل بعكس الجامعة الفرد للفرد وعموما مالهم الولاد مش ممكن تاخديها حافز وتتشجعى وتتفوقى عليهم وتخشى المجلس القومى للمرأة وتخلى سوزان مبارك تتنحى وتقعدى انتى على كرسى المجلس......رمضان كريم يا ميرو
يوسف
طبعا لازم تتمنى تبقى ف سكشن كله بنات يا عم الامور هههههه
بس هيطلعوا عينك
تلات ساعات بس دى اكي مسألة بسيطة جدا
some one
تخيل كنت حاسة انهم ممكن يدوسونى ف السكشن ولا حد حيحس بيا
مشروع دكتور بقى يا سيدى اسرة عندنا ف الكلية انا عضوة فيها ادخل ع اللينك وانت تعرف اكتر عنها حبة ولاد وبنات زى العسل عايزين يعملوا حاجة بجد..مش عشان انا منهم.. لا بس دى الحقيقة
هو لازم اللى يشترك فى الجروب بتاع مشروع طبيب لازم يكون طالب معاكم
مش ممكن أشارك أنا من بعيد لبعيد
إذا كان ممكن ياريت تعرفينى بالتفصيل
اخبارك ايه يا مرفت
انت لسه مش راضية تضيفى بوست على ملتقى الأسرة
على العموم خير
احب أقولك يا مرفت ان المدونة مختلفتش كتير عن سكشنك الجديد
تحياتى
شات ارجوان الصوتي
شات ابها كام , شات صوتي , دردشة صوتية
شات مغربي - مغربي كام
شات صوتي تبوك
شات صوتي اماني كام
بنت جده الصوتي
-
This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي
شات مغربي
Post a Comment