بشرى لكل اللى بيدخلوا مدونتى.. من النهارده قررت ابطل اكتئاب..اه والله
الشهر اللى فات ده كان اتقل شهر ع قلبى قضيته ف حياتى كنت حاسه ان انا مش انا وكنت بعد الايام عشان اسافر البيت.. ولما سافرت اول حاجه عملتها انى اترميت ف حضن امى وبكيت..كنت حاسة انى شايله هم اكبر من طاقتى.. بس لما اترميت ف حضنها حسيت ان وانا معاها مش المفروض اشيل هم اي شي تانى.. وان لو الدنيا كلها اتعقدت فى وشى مفيش غيرها اللى هيسندنى
و ف الفترة اللى كنت مسافرة فيها حاولت ارتب حياتى المتلخبطة دى واخدت قرارت كنت مأجلاها بقى لى فترة.. و الحل الوحيد انى اقف مع نفسى و ابطل تردد .. وان شاء الله القرارات اللى اخدتها انفذها ...
RSS Feed (xml)
17 comments:
والله لو نفع اصفق ليكي كنت عملت بس بصراحه جدعه ياميرفت
يارب ياهادى القلوب ويا ميسر الأمور أبسط الدنيا وفرج الهموم واجعل قارئ هذا التعليق دائما مبسوط....أدعيلى ياميرفت امتحناتى شغالة وحالة الاكتئاب جاتلى من عندك ليا فشوفى حل لحسن مخنوق على الاخر
أخيرا هاتضحكى
لا للإكتئاب بعد الآن
على فكرة
مافيش إكتئاب =مافيش ميرفت
أختي الصغيرة والفنانة الجامدة جدا...بعد التحية
ربنا يبعد عنك الإكتئاب..وعلى فكرة أنا أول مرة ألاحظ انك بتكتئبي!!!1
وعلى العموم واجبي إني أنقل ليكي التجربة الشخصية:كل واحد مننا يامرفت لما بيتعرض لأي موقف بتتولد جواه طاقة معينة..والطاقة دي هوه اللي بيوجهها
وعل سبيل المثال:الطالب الشاطر اللي بيتظلم عشان الكوسةعندنا...بعد امتحان الشفوي لما يشوف الظلم بعنيه بتتولد جواه طاقة كبيرة جدا...بعد كدة ييجي دور توجيه الطاقة دي:1
ممكن صاحبنا يكتئب ويمشي في سكة وحشة جدا وممكن يشرب سجاير أو حتى خمرة"عشان ينسى"ويضيع باقي الامتحانات
أو ممكن انه يستغل الطاقة دي في إنه يثبت لنفسه وللناس إنه أحسن من اللي أخد مكانه وحتى أحسن من الدكتور اللي ظلمه...وأكبر مثال على كده الدكتور مجدي يعقوب اللي انطرد من غرفة العمليات وطلع منها وهوه قرر بينه وبين نفسه انه يبقى مجدي يعقوب..!1
المهم الشاهد من ده كله انه المفتاح جوانا إحنا..إحنا اللي بنكئب نفسنا وإحنا برضه اللي ممكن نزرع في نفوسنا الأمل من جديد ونحول السقوط لوقوف أقوى وأفضل
إوعي أسممع إنك اكتأبتي تاني..ووربنا يوفقك
تحياتي
ايوه هو ده الشغل ...وصدقيني هيكون ليكي مستقبل باهر...بس ساعتها ابقي افتكرينا
الحمد لله يا قمر
عودة سعيدة ان شاء الله
و يارب متتأخريش عليا كده كتير
صديقتك إيمى
اجمل حاجه انك تعرفي الغلط و تقفي مع نفسك وقفة تصحيح
تحياتي
حمدلله على السلامه يا ميرو
و كويس اوى انى خلصتى من حاجه اسمها اكتئاب
بصى فى حاجه انا كنت كتبها و بحبها اوى
اذا تقزازت انفك من عرق الحاضر انعشها بنظافة المستقبل
و بكده انا اصلا خرجت من حاجه اسمها اكتئاب
عودا حميدا
:)
ma7rous
merci ya 7ag
midooo
ليه بس كده ده انت كنت زى الفل قبل ما تعرفنى.. انا بهت عليك ولا ايه؟؟؟ هههههههه
راضى
عارفه يا راضى انى بحبطك بالقرار ده
بس هتعمل ايه بقى دور على مكتئب غيرى بقى تزود اكتئابه ههههه
د/ عمرو
اهلا بيك وانا يشرفنى انك تعتبرنى اختك الصغيرة
وكويس انك ملاحظتش اكتئابى قبل كده
واوعدك انك مش هتشوفه تانى ابدا ان شاء الله
د/ابو الحسن
والله الكليه من غير فنانيها متسواش حاجه..
ايمى
وحشتينىىىىىىىىىى
انا عارفه انى مقصرة معاكى بس والله كنت مشغوله ف الامتحانات
emy
بس اصعب حاجة انك تعرفى الغلط ده اساسا بس
ميرسي ع الزيارة يا قمر
مامادو
يااااه فينك من بدرى يا بنى؟؟
كلامك حكم يا مان
شات ارجوان الصوتي
شات ابها كام , شات صوتي , دردشة صوتية
شات مغربي - مغربي كام
شات صوتي تبوك
شات صوتي اماني كام
بنت جده الصوتي
-
This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول
غلا الروح
شات غلا الروح
شات صوتي
شات مغربي
Post a Comment