حد يعرف يجاوبني

لا تبكي من لا يستحق دموعك..فمن يستحقها لن يبكيك بقية حياتك.
ايه رأيكم ف الجمله دي؟ هل فعلا لو حد يستحق بجد دموعك مش هيتسبب انك تبكي! ولا دي خصله ف اقرب ناس ليك انهم يتسببوا ف كده! ولا احنا مبقناش نقدر نفرق بين اللي يستحق واللي ميستحقش!
جمله قالها صديق عجبتني اوي: دور ع اللي يقدرك من اللي حواليك هتعيش سعيد _طب لو انت مش عارف تميز واللي حواليك قدامك مقدرينك ومن وراك بيطعنوا ف ضهرك هل تعرف تثق ف حاجة بعد كده! طب ليه ناس بتقابل تقديرك ليهم كده؟ حد يعرف يجاوبني ؟

الحياة ثلاث: أسى و حب وأمل

أسى على حب ضائع

و أمل ف العثور عليه

وبين هذا وذاك يضيع العمر

شخابيييييييييييييييييييط

بشرى لكل اللى بيدخلوا مدونتى.. من النهارده قررت ابطل اكتئاب..اه والله

الشهر اللى فات ده كان اتقل شهر ع قلبى قضيته ف حياتى كنت حاسه ان انا مش انا وكنت بعد الايام عشان اسافر البيت.. ولما سافرت اول حاجه عملتها انى اترميت ف حضن امى وبكيت..كنت حاسة انى شايله هم اكبر من طاقتى.. بس لما اترميت ف حضنها حسيت ان وانا معاها مش المفروض اشيل هم اي شي تانى.. وان لو الدنيا كلها اتعقدت فى وشى مفيش غيرها اللى هيسندنى

و ف الفترة اللى كنت مسافرة فيها حاولت ارتب حياتى المتلخبطة دى واخدت قرارت كنت مأجلاها بقى لى فترة.. و الحل الوحيد انى اقف مع نفسى و ابطل تردد .. وان شاء الله القرارات اللى اخدتها انفذها ...

اهرام.. اخبار.. جمهوريه

ف حلقة من حلفات برنامج حبه عسيلى كان الموضوع اللى بيناقشه هو ليه الناس مبقتش تقرأ جرايد؟؟
اللى شدنى للموضوع ان انا بعانى من المشكلة دى.. مبقتش اقرأ جرايد وحتى لو قريت مش بفتح صفحة السياسة ابدا
و مش بتفرج على البرامج السياسيه
و ده اللى مخلى والدى مقتنع تماما انى منعزلة عن العالم الخارجى و مفيش ف دماغى حاجة مهمة و لا عمرى هقدر اعمل حاجة مفيده
يمكن اللى مخلينى مش بقرأ جرايد انى مبقتش أثق ف اللى بيتكتب سواء عن سياستنا الداخليه او الخارجيه
ما هو يا أما الجرنال بيصور لنا الدنيا وردى وان البلد بخير و يعيشنا ف وهم .. يا اما بيلعن ف أم البلد واللى ماسكنها
وان حتى لو انا مش عجبنى الحال و هحاول اغير مش هقدر اعمل حاجة يعنى يقولك الدنيا خربت وانت مش ف ايدك شئ تعمله..متعرفش مين صح؟؟ ومين غلط؟؟ مين اللى تبقى معاه و تديله صوتك؟؟ و مين اللى لازم نحاسبه؟؟؟ مين اللى بيعمل لمصلحتنا؟؟ و مين اللى فكرها تكية أبوه ؟؟ طب بالذمة اقراها ليه ؟؟ عشان انتحر مثلا
العيب مش منى.. العيب ف الناس اللى بتكتب ومبقاش عندها ضمير.. مش بتراعى ان المجتمع بيتأثر بكتاباتهم.. خلاص مبقاش فى مصداقية عند معظمهم..
والبرامج السياسية أكدت لى ان المصريين ميعرفوش يعنى ايه نقاش بناء!! تشوف المذيع من دول يبدأ يتكلم مبيلحقش يكمل وتلاقى طرفين المسئولين عن المشكلة بدءوا خناق و زعيق و انت تنسى اساسا الموضوع ايه؟؟ كل واحد يهمه انه ميكنش كبش الفداء بتاع الحكومة وبس.. مفيش حد همه ع البلد!! برامج كتير فرحانين بيها ع الفاضى..يمكن اكون واخده موقف سلبى.. بس هو ده رأيى.. انت رأيك أيه؟؟؟

أنت حيوان... أسأل طفلك

ده عنوان مقال قراته للكاتب انيس منصور بيذكر فيه تجربة باحثة المانيه على مجموعة من الاطفال

ادت كل طفل ورقة وقلم وطلبت منه انه يرسم اسرته بس على هيئة حيوانات

فطفل رسم اسد و وزة وثعلب وتعبانين وف طرف اللوحة رسم خنزير صغير

حللت الباحثة ان ام الطفل (الاوزه) وديعة وهادئة وابوه(الاسد) مسيطر ومتجبر و الطفل يكرة اخواته البنات(التعبانين) واخوه ف نظره ماكر ومحتال(الثعلب) وهو وسط كل هذا (الخنزير الصغير) مهمل ولا يهتم به احد

فاذا اردت ان تعرف اى حيوان انت فسأل طفلك

life isn't fair...

مخنوقة بقى لى كام يوم...لدرجة انى مش لاقية حاجة اكتبها

مش عارفة هل الكلام خلص ولا القلم هو اللى مش عايز يكتب

ساعات الواحد بتعدى عليه مواقف بيسأل هل هو صح ولا لأ

ولو هو صح طب ليه الدنيا ملخبطة كده حواليه

ولو هو غلط ليه مفيش حد بيصلحله

مبقتش عارفة انا صح ولا غلط

و ملقتش كلام اكتبه

يمكن تكونوا مش فاهمين حاجة بس الصورة تقدر توصل لكم اللى جوايا

دفتر الذكريات...

دفتر مرمى بعيد ف الركن

ارجع اقلب بين صفحاته

ويرجع قلبى تانى يحن

صفحة الدمع مالى سطورها

وصفحة شكل الضحكة مش مفارقها

وأول دمعة ليا يا قلبى هو سببها

إقلب بقى صفحات الماضى او قطعها

مبقاش ينفع

مبقاش ينفع تبكى وتندم على ايام

تبكى وتندم على احلام

مش مكتوب لك يوم تحلمها

كل سنة وانتم طيبين وعيد سعيد على كل المدونين

عارفة انى بعيد بدرى شوية بس عشان انا هسافر اسبوعين

ومش عايزة العيد يعدى من غير ما اعيد عليكم كلكم

ساعة غروب

ساعة مغربية كده قبل الفطار بدقايق وقفت ع الشباك عجبنى منظر الشمس وهى بتغرب قوى.. تصدقوا اول مرة ألاحظه..يمكن عشان دلوقتى انا بعيدة عن التليفزيون فبقيت الاحظ حاجات كتير حوليا..مقدرتش اقول غير سبحان الله ع المنظر الجميل ده.. حسيت سعتها قد ايه ربنا جميل وبيحب الجمال فعلا.. وحسيت قد ايه الدنيا دى كبيرة وواسعة واحنا صغيرين قوى.. أثر فى المنظر لدرجة انى قلت لازم الفت نظركم ليه.. يمكن يكون فيكم اللى مش بياخد باله منه.. بس دلوقتى هيقدر يستمتع بيه

يوميات.. طالبة.. مفروسه

غيبت كتير.. بس والله غصب عنى.. المحاضرات نازلة عليا زى المطر.. ومش عارفة ادخل نت خالص

ده أول بوست اكتبه من اسيوط

............................................................................

اول ما وصلت اسيوط قلت يا بت الدراسة هتبدأ وتتجمعى بأصحابك تانى.. وهبطل اكتئاب بقى

لكن ع مين؟؟ ورايا ورايا لأخر الدنيا

قلت اروح الكلية قبل الدراسة بيوم اشوف الجداول وارتب نفسى.. ما انا بقيت ف تالتة خلاص يعنى هبطل لعب وتنطيط السنة اللى فاتت

بصيت ع سكشنى.. قال ايه؟؟ نقلونى لسكشن الاولاد

بعيد عنكم لقيت موسيقى براف هارد بترن ف ودانى ومش شايفة قدامى

يا فرحة ما تمت

سندت نفسى ع اقرب حيطة وشريط ذكرياتى المؤلمة مع السكشن ده سنه اولى بيمر قدامى

افتكرت ف الاول ان نظرى ضعيف ..بصيت مرة واتنين وتلاتة

لكن مفيش فايده نظرى طلع 6 ع 6 للأسف؟؟؟

رحت يمين رحت شمال معرفتش اعمل حاجة

واستسلمت لحقيقة انى لازم هقضى السنة دى معاهم

ما علينا.. حضرت اول سكشن وطول الوقت بفكر انا عملت ايه ف حباتى غلط عشان ارجع السكشن ده تانى

ملقيتش حاجة تستاهل العقوبة دى؟؟؟؟ وقلت ف نفسى اصبرى ع البلاء يمكن يجى الفرج

روحت السكن وقررت انى ما دام انا مفروسة من الكلية كده يبقى مش لازم اكتم ف نفسى وإلا هيجرى لى حاجة

فقررت اكتب لكم.. يمكن تهونى عليا شوية

The LoSt...mE ...!!!

كل سنة وانتم طيبين ورمضان كريم عليكم... البوست ده آخر بوست هكتبه من بيتنا العزيز..يمكن اكون زعلانة شوية.. مش عشان الاجازة خلصت ... لأ طبعا لان حياتى بتبدأ مع بداية السنة.. بس عشان هقضى رمضان كله بعيد عن بيتنا!! ضريبة العلم بقى هنقول ايه .. قدر الله وما شاء فعل
مش هكذب عليكم واقول ان الاجازة كانت ممتعة ولذيذة وطعمة...الخ
لان بصراحة ان الاجازة دى انا مكنتش لاقية نفسى!!

هتقولوا يعنى ايه؟؟

يعنى مثلا عمر ما واحد منكم سأل نفسة هو ليه موجود؟ يعنى ايه الفايدة من حياته؟؟



عارفين لما الواحد يصحى من النوم كده وهو مش عارف هدفه ف الدنيا دى ايه؟؟ أو هل اللى هو بيعمله ده بيفيد حد ولا لأ..وتلاقى سحابة من الاكتئاب هبت ع حياتك من اللاشئ واللاوجود
زمان كنت ممكن الاقى نفسى وانا برسم .. او ف شخصية ناجحة اخدها مثل اعلى ..أو ف حاجة كنت عايزة اعملها وافرح ان انا حققتها.. بس دلوقتى ده مبقاش كفاية
كنت لما ابقى تايهه كده برجع لقلبى وهو يدلنى ..بس ده برضه مبقاش كفاية
بدأت احس ان انا مش انا

هتقولوا الله هى هتجننا ولا ايه؟؟

هتعمل ايه لما تلاقى الألوان حواليك بس انت مش شايف غير ابيض واسود؟؟؟ لما تحس ان الدنيا بتجرى بسرعة من حواليك وانت مش قادر تتحرك؟؟ أو انك ببساطة مطرح ما توديك الدنيا هتقعد

هتقولوا ده انت كئيبة قوى

مبقتش عارفة هل الطبيعى ان ابقى كئيبة وان السعادة مجرد طفرة ف حياتى.. ولا العكس
وهل السعادة تنبع مننا ولا بنستمدها من الآخرين
وهل فيه اساسا شئ اسمه السعاده؟؟ ولا دى مجرد كلمة اخترعناها حطينا فيها امل للخروج من الحالة اللى احنا عايشينها
هحاول أدور عليها .. ولو لقيتها.. أكيد هتكونوا اول ناس تعرفوا
وربنا يجعل البوست ده آخر بوستات الاكتئاب

let it go ....

there is things in the past

we can't let it go

although it hurts

we think the pain will go

but it never do

we just keep bleeding

سياسة..ال هاكونا ماتاتا

يوم عادى زى أي يوم، صحيت من النوم وعملت كباية الشاي ،وأنا ماسكة ريموت التليفزيون ولسه بقول يا هادى لقيت كده خير اللهم اجعله خير الواد اخويا الصغير(13 سنه) هبط قدامى وهبت عواصفه و زعابيبه عليا ع الصبح وفرض الحصار ع منطقة التليفزيون وهو دماغه وألف سيف انه عايز يشوف مسلسل الكرتون بتاعه

أنا:يا بني يا حبيبي انت كبرت خلاص ع الحاجات دى
كارتون ايه اللى انت عايزه؟؟

هو: كل واحد وليه اهتماماته..

أنا: اهتمامات ايه.. هو انت حتتفرج ع كورة ولا حتى مصارعة زى بقيت الولاد.. ده كارتوووووووووون

هو:يوووووووه .. هاتى الريموت وخلاص

وبعد مناقشات ومناورات من غير فايدة وصراخه الحاد اللى يصم ودان كل شخص على بعد 50كيلو من بيتنا.. قررت الاستسلام وأديته الريموت وأمري لله
ونظراً لان مفيش حاجة تانى اقدر اعملها فخضعت للأحكام العرفية وقعت أتفرج معاه ع الكارتون بتاعه وقلت ف نفسى يمكن اقدر افهم دماغه

كان اسم الكارتون اللى بنتفرج عليه: تيمون و بومبه
اتنين من الحيوانات(نمس و خنزير) عايشين ف الغابة ويتبعوا سياسة معينه ف حياتهم

انا: هى الطريقة اللى هم عايشين بيها دى اسمها هاكونا ايه؟؟

هو: هاكونا ماتاتا

انا: ويعنى ايه بقى يا سيدي هاكونا ماتاتا بتاعتك دى؟؟

هو: دى طريقة الواحد ممكن يعيش بيها ومعناها انك تنفض لكل حاجة ممكن تزعلك ، انك تنسى الماضي اللى يغيظ وتبص بس للمستقبل ، انك تساعد كل اللى يطلب مساعدتك، وان صحبك اهم عندك من كل شئ ، وانك عمرك ما تكره حد ، انك تعيش حياتك ببساطة، وتستمتع بكل شئ جميل حواليك... يعنى بالعربي كده متعقدهاش

طب و مادام الواحد يقدر يعيش كده .. ليه كلنا منتبعش السياسة دى ف حياتنا.. تخيلوا العالم هيبقى ازاى لو كل واحد عايش بالشكل ده ..عجبتنى الحكاية وقررت انى من النهار ده أعيش ع طريقة..هاكونا ماتاتا

أول تاج .........ف مدونتى

اسم مدونتك؟
teens world2007

لماذا اخترته؟وما هى نيتك من وراءه؟
it was written by ateen and teens will read it so it's teens world

هل فكرت ف إغلاق مدونتك؟ و السبب؟
لا ، لانها المتنفس الوحيد ليا

صورتك ف المدونة؟ و رمزيتها؟
قطة متوحشة... اعتقد ان ده ليه علاقة بشخصيتى

لماذا دخلت عالم التدوين من الاساس؟
عشان أقابل ناس جديدة و أطور من طريقة تفكيرى

جملة قيلت لك ف وصف مدونتك؟
جميلة

التعليقات بالنسبة لك...أهميتها؟
مش مهم عندى التعليق قد ما يهمنى انى قلت اللى ف نفسى وارتحت

أحلى بوست كتبته..ضع اللينك؟ ثم اذكر لماذا؟
بلااااااااااااش فضايح
أفضل بوست قرأته؟ ضع لينكه؟
ميكروويف ولا قطر لأنه بيمثل معاناتي طول السنة

أفضل مدونة قرأتها؟
عاشوريات

حد قل أدبه ف التعليق؟ إيه رد فعلك؟
احذف التعليق و ربنا يسامحه بقى

أسوء بوست؟ أسوء مدونة؟
والله لسه ما شوفتش

هيحصل ايه لإيميلك لما تموت؟
حكتب الباسوورد ف ورقة وأحطها ف زجاجة وارميها ف البحر

على غرار فيلم the message in the bottle

أديت الباسوورد لحد قبل كده؟
ايوة

اسمك المشهور بيه وسط أصحابك؟
بين أصحابي المقربين ميرو ، ف الكلية السندريلا السمراء

شخصيتك نوعها أيه؟
رومانسية حالمة لسه عايشة ف عالم الروايات

السفر بالنسبة لك؟
مغامرة

وقت فراغك بتعمل فيه أيه؟
غالباً بنام

الموود بتاعك؟
متقلبة

الأكلة المفضلة؟
البيتزا

صفاتك اللى اخدتها من بابا؟
العند وعدم الاقتناع بسهولة وكثرة الجدال و العصبية و... كفاية كده

صفاتك اللى اخدتها من ماما؟
الثقة بالنفس والرومانسية و عدم الاستسلام

اكتر 6 حاجات بتكرها؟
الفشل
الكذب
الألم
التجاهل
الخيانة
كلمة"عادى"

اكتر 6 حاجات بتحبها؟
الجرأة
الصد ق
الموسيقى الهادئة
البحر
الرسم
القطط

الشغل بالنسبة لك؟
متعة

الانترنت بالنسبة لك؟
هواية و تحول لإدمان

أمرره لمين؟
إيمان
mamado
ما علينا

اصحاب ولا

بيقولوا إن الصداقة ممكن تنتهى بحب وإن الحب لا يمكن ينتهى بصداقة

فعلاً الحب مستحيل ينتهى بصداقة, ولو ف يوم واحدة قالت لك : خلينا اصدقاء
اعرف انها بتديلك استمارة 6(بتزحلقك يعنى) لان عمركم ما هترجعوا زى الاول

الصداقة معنى جميل انا بقدسها بس لما تدخل فيها مشاعر تانية بتخلق علاقة
غريبة , فى ناس بتسميه حب, انا بقي بسميه تعود!!!!!!!!!!
عارفين ليه؟؟ لأن الشخص ده انت اتعودت ع طباعه,مميزات,عيوبه
اتعودت تشوفه كل يوم, تقوم تتوهم انك بتحبه, فالعلاقة بتكون نسبيا آمنة
وساعات بتكون متوقعة زيادة عن اللزوم, فى ناس بتحب كده ودول اللى بيتجوزوا
جواز صالونات ........اللى مش عايزين وجع قلب ولا قلبت دماغ

أما الحب بيكون من النظرة الاولى, كيمياء كده بتحصل بين اتنين
الم ف معدتك ملوش سبب كل لما تشوف او حتى تسمع اسم شخص معين
لخبطة ودهولة ف حياتك متعرفش منين؟؟وتلاقى نفسك بتكب مشاعر ع اللى
حواليك(حتى لو كان عم عبده البواب)
وبقيت تبحلق ف النجوم والقمر كأنك اول مرة تشوفهم,ويمكن تكتب شعر وتلحن اغانى
(مع انك اساسا نشاذ..ما علينا)
وبتتذوق الجمال ف كل حته بتروحها زى الورده اللى اول مرة مرة تشم عبيرها والعصافير
تحس انها بتغنى معاك, ولو ف يوم غاب عنك تحس الدنيا فاضية وتغنى وتقول
(عودت عينى على رؤياك....وقلبى سلم سلملك امره

هو ده الحب اللى بسمع عنه ف الروايات والافلام بس لحد دلوقتى نادر لما شوفته
اليومين دول تلاقى الواد ميمى ولا توتو بيحب ف جيجى ولا سوسو ع الشات
وكله بيكدب على كله ,

painful love...

وتعجبتك كيف تتسع المسافة بينهما حتى لم يتبقى منها إلا الفضاء الخالى والصمت

(مقتبس من فيلم some one like u)

بعد فترة من التفكير لاقيت نفسى مش عارفة اكتب حاجة فى المدونة؟؟؟
انا اساساً مش كاتبة ولا شاعرة .. بس عندى كلام عايزة أقوله.. قررت ان انا اكتب عن كل التجارب اللى بتمر عليا .. فى اللى هيقرا.. وفى اللى هيطالب انى اقفلها وخلاص.. مش مهم المهم ان انا قلت اللى ف نفسى و ده السبب الوحيد اللى عملت عشانه مدونة

..................................................................................................................................
من المدهش ازاى حياة الواحد منا بتاخد منحنى غير اللى كان رسمه لنفسه ف يوم من الأيام
يعنى كم مرة كنت عايز تعمل حاجة ولقيت نفسك بتعمل حاجة تانية خالص؟؟؟؟؟؟؟؟؟؟؟؟
متعرفش ازاى ده حصل أو ليه بيحصل؟؟ عمرك حصلك كده؟؟
يعنى انا مثلا ف اولى ثانوى كنت عايزة ادخل كليةألسن لانى بحب اللغات , وف تانية كنت عايزة ادخل كلية علوم قسم كيمياء لانى كنت بحب الكيمياء.. لكن ولا واحدة فيهم كانت عاجباهم ف البيت فقررت ف تالتة انى ادخل صيدلة (كيمياء بالانجليزى)
افتكرت ان انا كده عندى حرية اختيار وان انا هدخل الكلية اللى بحبها و محدش هيفرض عليا حاجة؟؟ لكن هيهات أول ما النتيجة طلعت ابتدى موال كل اسرة ابنها جاب مجموع ( صيدلة ايه اللى انت عايزة تدخليها؟؟ لازم تدخلى طب دى الطب كلية قمة, خسارة مجموعك... ألخ) بالذمة يعنى هى طب تفرق ايه عن صيدلة؟؟؟؟؟؟؟؟؟؟؟؟؟
بعد مباحثات و حوارات و خناقات وتدخل الأهل و الجيران عشان يزودوا الطين بله
ووصلت انا والسيد الوالد لحل وهو ان انا اكتب الرغبة الأولى طب والثانية صيدلة!!
برضه اللى ف دماغهم عملوه وقال إيه بيسمى اللى حصل ده حرية رأى
وعلى رأى محروس الديمقراطية ان انت تقول رأيك واللى انا عايزه هو اللى هيحصل
ولأول مرة ادركت معنى اليمقراطية ف البلد دي , ولسوء حظى أو حسنه يأبى مكتب التنسيق أن يخالف ديكتاتورية الوالد ويدخلنى كلية الطب زى ما تقول كده ديكتاتورية القدر كمان كانت ضدى....
7 سنين يا عالم هقضيهم ف كلية انا مفكرتش ادخلها اصلاًًًَ ... يعنى ده حرام ولا حلال حد يفهمني؟؟؟
ما علينا انا ع العموم انا برمجت نفسى ع الوضع ده وهانت كلها 4 سنين تانى واخلص
كل اللى مضايقنى ان انا اتنازلت عن شىء كان من حقى
أذا كان قرار زى كده انا مقدرتش اخده يبقى ازاى هقدر أكمل؟؟؟
علمونا ف المدارس نقول رأينا وندافع عن حقوقنا وف نفس الوقت علمونا برضه طاعة أولى الأمر طاعة عمياء .. بالذمه دى مش نكتة (:
من كام يوم قررت ان انا اقف مع نفسى شوية وارتب حياتى كنت حاسة ان حياتى ملخبطة فصديق ليا قالى ايه يعنى سيبيها ملخبطة!! معرفتش اقول ايه .. ما انا سيباها ملخبطة بقى لى سنتين.. ووصلت لايه؟؟ ولا حاجة.. فقعد كده مع نفسى وسألتها بداية اللخبطة منين؟؟ ليه انت عايشة كده و خلاص من غير هدف او سبب معين لوجودك؟؟ راح فين حماسك للحياة وان انت عايزة تحسنى من العالم؟؟ راح فين طموحك و حبك لبلدك؟؟ راح فين كل ده؟؟؟
كل ده راح ف اليوم اللى ادركت فيه ان مفيش حاجة اقدر اعملها
اليوم اللى حتى قرار الكلية اللى عايزة ادخلها مقدرتش اخده
شوفت بقى ازاى ممكن تتغير حياتك من غير حتى ما انت متعرف؟؟؟؟؟؟؟

مجرد فضفضة

اكتئاب .. اكتئاب..اكتئاب
الصبح و الظهر والليل تقريباً مبقاش ورايا غيره
تقدر تقول كده إنه أصبح مهنتى الصيفية الدائمة
أجازة الصيف عبارة عن شهرين عذاب وملل ووحدة
كل يوم زى اللى قبله زى اللى بعده نفسى حاجة تحصل
أى حاجة على سبيل التغيير
بكلم أصحابى ع التليفون ولو .. مش زى ما اقعد معاهم
قلت اعمل مدونة يمكن تكسر الملل
مفيييييييييييييييييييييييييش فايدة
قلت أرسم لقيت نفسى بفتكر مريم وأيام ورشة الرسم
عارفيين زى ما أكون بدخل فى حالة بيات صيفى
أكل ونوم وبس
نفسى أسترد حياتى بأى طريقة مش قادرة أستنى
4 أسابيع تانى
الليل والنهار ميفرقوش كتير عندى
ده حتى الواحد بقى يتفرج ع أفلام الرعب و مصاصين الدماء
كأن التلفزيون مصمم أنه يزود أكتئابى
إحساس ان الواحد فاضى بعد ما كان مش عارف يعمل إيه ولا إيه
إحساس غبى إنك جسد بلا روح
إن إنت فاضى من جوه ومن بره
وإنك ممكن يجيلك تخلف من كتر عدم التفكير و القعده
أسفة إن عكرت مزاجكم ..ع الأقل لقيت حاجة أعملها
أفضفض

JUST SOME THOUGHTS..

It’s the wish of every one(to love& be loved) but when you feel it you won’t know when or where or why this big mass of feelings created inside you??
After you were running all your boring life searching for the one that you aren’t afraid of being yourself with him whatever you are he still mad about you, the one who accept you with your bad and good things , the one that understand what you want to say even before you say it,the one the whisper in your ears with your favorite song in your bad times, the one that welcomes you when you have no where to go and all ways are closed in front of you, the one that you know if you lose the all world you will never lose him....
When you found him and finally stop running then you start to be afraid ,when you reach something you will have some thing to lose in your fight with life ,all you can do is hoping that you never lose this person and nothing in your hands.
You can live with out finding this one,but you can’t continue if you found him and let him go,you can’t continue if you found him and he died you will always blame your self for not founding him earlier..
So any way,if you reach the one or not it’s the same for me.. you’d better ask your self is it deserve to search?????????????????????????????????

congratulation...

ألف مبروك لصديقتي المفضلة :مريم محمد عبد العظيم

لحصولها على امتياز السنه دى وعقبال ما تكون معيدة إن شاء الله

ربنا ستر

أول مرة فى حياتى أكون مستنية نتيجتى كده..حتى الثانوية العامة مقلقتش فيها القلق ده كله..نبدأ الحكاية من الأول

السنة اللى فاتت كنت طالبة عادية جدا جدا بمعنى من السكن للكلية ومن الكلية للسكن مفيش أى حاجة تانية وياريت كنت بذاكر بل العكس الملل اللى كان عندى أدى إلى إكتئاب مزمن من الكلية و النتيجة طبعا فشل دراسى ملوش حل أدى ان انا جبت جيد بالعافية؟؟؟؟؟؟
فى الصيف قررت أنى ادخل مجال الأنشطة بالكلية مادام سبب فشلى الدراسى هو الممل..
السنة دى تقريبا دخلت فى كل نشاط فى الكلية ممكن اشترك فيه من أسرة مشروع دكتور لمعارض ومعسكر جوالة وحفلات الكلية..إلخ
المهم أنى أنا كان لازم مع أخر شهر أقف وقفة مع نفسى ما انا عملت كل اللى نفسى فيه و قضيت على الممل المزعوم اللى كان عندى والحمد لله المفروض بقى إن أنجح السنة دى بتقدير كويس على الأقل عشان شكلى قدام والدى!!! المهم ربنا سترها بعد حبسة أيام المكتبة بالساعات والسهر للفجر وعديت بجيد برضه بس بفرق 10% عن السنة اللى فاتت....

كذبوا فقالوا reality tv...???

what reality?our reality or their reality....
every time i saw these programs i'm just surprised and ask my self ...when these guys and girles became the examples of our reality.
honestly i just saw 2 of them:

1-Star Academy: i wouldn't say that i hated it completely,some of them have avery good voice and realy talented,others have nothing to give ..not mention the way the live to gether and the funny love stories between them..

2-The Perfect Bride: i just felt insulted when i first saw it..how come that girles offer themselves to guys!!!!!!!!what happened!!!!why they just limit their options in few guys that they must choose one of them.....where is their pride??

It isn't the fault of youth only but also their parents that allow them to live like that and to act like that ... why they didn't just teach them the principles that their parents teached them.... i've nothing to say but thinking about what is hidden for us in the future.....

smile

smile to the world.. remove your tears
remember love.. forget about fears
think of what you will do through out the years
there isn't abetter person than the one who cheers
believe in god and don't ask why??
some times we laugh.. sometimes we cry
don't ever be broken,don't ever be shy
when ever you fail..you have always got to try
so fight for your life until you say goodbye

face your fears

Every one of us has his own fears that he hide from it and when he face it he just run away. we need to face our fears and to share it with others.. you don't have to be shy.try to face it and to solve it by yourself...for me I was afraid of failing in my work, so I worked harder and harder so as not to be a loser... until I get tired I couldn't keep that hard working any more.. I began to relies that we can't win all the time and it's ok to lose some times..it's the life..so I'm not that person that care just about winning..but I became a person that care about how my work will make me happy and make others happy too.. it may be not perfect but I love it any way..facing my fears made me release that there is no where to hide it, it will keep growing inside you till it finally become seen to every one.

little dreams..

may be it's little but it's my own dreams... not just to get out of school,work,get married and have kids... of course not.. this is the dreams of anormal teenager not me... i dream of getting my PHD from out side the countries.. i want it to be in DNA i think it will be avery rich field for me to study... i dream of making adifferent in this world not just live and die... i dream of travelling all over the world to see new people to learn new skills...this is my little dreams how about your dreams is it normal ones or.....???

love it or leave it

this is the first thing i learned from working with my group(doc project) and i think this the word that made me value my life in new rules... you must love the thing that you are doing or you will never enjoy it or even do it right... this how i do my work and how you will do yours.